إللي‏ ‏يعيش‏ ‏ياما‏ ‏يشوف

زمان‏ ‏بس‏ ‏مش‏ ‏أوي‏ ‏يعني‏ ‏لما‏ ‏كنا‏ ‏نيجي‏ ‏نذاكر‏ ‏كنا‏ ‏بنعمل‏ ‏حالة‏ ‏طوارئ‏ ‏في‏ ‏بيوتنا‏,‏يعني‏ ‏إللي‏ ‏عايز‏ ‏يتفرج‏ ‏ع‏ ‏التلفيزيون‏ ‏كان‏ ‏بيقعد‏ ‏في‏ ‏أوضة‏ ‏لوحده‏ ‏ويوطي‏ ‏صوت‏ ‏التليفزيون‏ ‏ع‏ ‏الآخر‏ ‏ويقرب‏ ‏منه‏ ‏عشان‏ ‏يسمعه‏,‏وإللي‏ ‏مان‏ ‏بيتكلم‏ ‏مع‏ ‏حد‏ ‏أو‏ ‏بيتكلم‏ ‏في‏ ‏التليفون‏ ‏تلاقيه‏ ‏بيهمس‏ ‏مش‏ ‏بيتكلم‏ ‏عشان‏ ‏إخواته‏ ‏عندهم‏ ‏امتحانات‏ ‏أو‏ ‏حد‏ ‏في‏ ‏ثانوية‏ ‏عامة‏,‏لكن‏ ‏دلوقتي‏ ‏بقي‏ ‏مع‏ ‏وجود‏ ‏الإنترنت‏ ‏عشان‏ ‏والويب‏ ‏كام‏ ‏واللاب‏ ‏توب‏ ‏والموبايلات‏ ‏لسه‏ ‏المذاكرة‏ ‏بنفس‏ ‏الطريقة‏ ‏ولا‏ ‏اتغيرت؟

اعتقد‏ ‏إنها‏ ‏اتغيرت‏ ‏لأن‏ ‏كل‏ ‏حاجة‏ ‏بتتغير‏ ‏مع‏ ‏الوقت‏ ‏وبالذات‏ ‏عندنا‏-‏قصدي‏ ‏الشباب‏ ‏يعني‏-‏مش‏ ‏بيدوم‏ ‏لنا‏ ‏حال‏,‏فمن‏ ‏كام‏ ‏سنة‏ ‏وعلي‏ ‏فكرة‏ ‏لسه‏ ‏لحد‏ ‏دلوقتي‏-‏كان‏ ‏ممكن‏ ‏تلاقي‏ ‏الواحد‏ ‏مش‏ ‏عارف‏ ‏يذاكر‏ ‏إلا‏ ‏وهو‏ ‏في‏ ‏السرير‏ ‏أو‏ ‏في‏ ‏الحمام‏ ‏أو‏ ‏أمام‏ ‏المراية‏ ‏أم‏ ‏ممكن‏ ‏وهو‏ ‏رايح‏ ‏جاي‏ ‏في‏ ‏الأوضة‏,‏لكن‏ ‏دلوقتي‏ ‏ممكن‏ ‏داخل‏ ‏أي‏ ‏كافي‏ ‏شوف‏ ‏تلاقي‏ ‏صبيان‏ ‏وبنات‏ ‏متنطورين‏ ‏في‏ ‏كل‏ ‏حتة‏ ‏وكل‏ ‏واحد‏ ‏فيهم‏ ‏ماسك‏ ‏ملزمة‏ ‏ورق‏ ‏أوكتاب‏ ‏وبعد‏ ‏التدقيق‏ ‏والتمحيق‏ ‏والتحقيق‏ ‏تكتشف‏ ‏إن‏ ‏دول‏ ‏بيذاكروا‏!!...‏إزاي‏ ‏الله‏ ‏أعلم‏!!‏

ده‏ ‏غير‏ ‏إنك‏ ‏ممكن‏ ‏تدخل‏ ‏مكان‏ ‏يقولك‏ ‏مكان‏ ‏خاص‏ ‏للمذاكرة‏ ‏ويكون‏ ‏المكان‏ ‏ده‏ ‏بعيد‏ ‏إلي‏ ‏حد‏ ‏ما‏ ‏عن‏ ‏التليفزيون‏ ‏أو‏ ‏الذي‏ ‏جي‏ ‏يعني‏ ‏عايزين‏ ‏حتة‏ ‏هدوء‏ ‏تذاكروا‏ ‏فيها‏ ‏تذاكروا‏ ‏في‏ ‏بيوتكم‏ ‏أحسن..!!‏

الحاجة‏ ‏الأغرب‏ ‏لما‏ ‏تدخل‏ ‏أي‏ ‏مطعم‏ ‏هتلاقي‏ ‏المكان‏ ‏كله‏ ‏طلبة‏ ‏قاعدين‏ ‏يذاكروا‏ ‏ويقولولك‏ ‏بنراجع‏ ‏قبل‏ ‏الامتحان‏..‏ده‏ ‏طبعا‏ ‏يا‏ ‏سيدي‏ ‏غير‏ ‏مذاكرة‏ ‏النوادي‏ ‏والمذاكرة‏ ‏في‏ ‏الكلية‏...‏قبل‏ ‏كده‏ ‏لما‏ ‏كنت‏ ‏تتصل‏ ‏بحد‏ ‏من‏ ‏أصحابك‏ ‏أو‏ ‏زملائك‏ ‏في‏ ‏الكلية‏ ‏وتكون‏ ‏بتسألهم‏ ‏عن‏ ‏حاجة‏ ‏مهمة‏ ‏في‏ ‏المنهج‏ ‏أو‏ ‏عن‏ ‏الامتحان‏ ‏وحد‏ ‏من‏ ‏أهلك‏ ‏يقولك‏ ‏ياللا‏ ‏عشان‏ ‏تقوم‏ ‏تذاكر‏ ‏تقولهم‏ ‏ما‏ ‏أنا‏ ‏بذاكر‏ ‏في‏ ‏التلفيون‏...‏كانوا‏ ‏يستغريوا‏ ‏أوي‏...‏إزاي‏ ‏يعني‏ ‏تذاكر‏ ‏في‏ ‏التليفون؟؟

أغرب‏ ‏حاجة‏ ‏بقا‏ ‏لما‏ ‏دخلت‏ ‏مرة‏ ‏ع‏ ‏الإيميل‏ ‏ولقيت‏ ‏واحدة‏ ‏صاحبتي‏ ‏أو‏ ‏نلاين‏ ‏بسألها‏ ‏إيه‏ ‏أخبار‏ ‏الامتحانات‏ ‏؟قالتلي‏ ‏تمام‏,‏عندي‏ ‏امتحان‏ ‏بكره‏..‏فاندهشت‏ ‏وقولتلها‏ ‏طب‏ ‏يا‏ ‏بنتي‏ ‏عندك‏ ‏امتحان‏ ‏وقاعدة‏ ‏تعملي‏ ‏شاتينج‏ ‏ع‏ ‏النت‏ ‏قومي‏ ‏ذاكري‏,‏قالتلي‏ ‏لا‏ ‏ما‏ ‏أنا‏ ‏بذاكر‏ ‏من‏ ‏زمايلي‏ ‏في‏ ‏الكلية‏!!!‏

ودي‏ ‏بقا‏ ‏يا‏ ‏سيدي‏ ‏آخر‏ ‏طريقة‏ ‏للمذاكرة‏...‏المذاكرة‏ ‏ع‏ ‏المسنجر‏...‏وإلي‏ ‏يعيش‏ ‏ياما‏ ‏يشوف‏...!!!‏